Don Antonio

Le invio queste “preghiere” che sanno molto di pietà popolare (forse di  superstizione, e comunque di una teologia tutta particolare). Non sò che valore possano avere, le ho sentite ripetere da mia madre, che sostiene averle imparate a sua volta dalla mamma.

Le ho trascritte  come venivano ricordate e pronunciate.

Efisio (Agosto 2001)

Preghiera del mattino: Ingresso in Chiesa  

Imbuccu in cresia e toccu in pota
S’ anima de Babbu e de Mamma siada arregota
S’ anima allena sia bogada de’ pena
Ave Maria de gratzia plena.

De aqua santa mi cunfrimu
E salludu a Deus in primu
E a nostra Signora,
in nomini De Babbu, de Fillu e de Spiritu Santu.

Sa mesa de su Signori
Po’ mei e apparicciada
De angiullusu e ingiriada
De angillusu po’ da serbiri.

Dicciosa cudda dì,
s’ anima mia limpia e pura
si bandidi segura
e senza ingannu.

Non c’è prusu stadu mannu
De custa nobilessa,
e a peisi bostusu mi ghettu
de coru sospiru e pentu
su malli chi appu operau.

Gesusu miu stimmau
Donai mi u pagu de spera
Chi sia che sa Maddalena
Arrapenti e arrepentina.

Non me patta cresia ancora
Finzasa chi è s’ ostia consumida
……

A saltari deu mi accostu
Cun du grandu attrivimento
Allabeusu e arringrazieusu
Su Santissimu Divinissimu  Sacramentu.

Preghiera a su Spiritu Santu

Pilloneddu tristu tristu
Ita pottasa in su pizzu
Ollu santu battiau
Chi siasta nominau
In dogni novena
Viva Maria e Gratzia plena.

Nascida de Gesusu o ninna nanna

Buffu buffu cantu e s’ oru
Sa mantiglia fu de oru
Su bistiri de broccau
Gesusu fu croccau  

Nudu e scrobettu
Sa cruxi po lettu
Sa carda po’ cabidali

Su 25 de norali
Fu nasciu sarbadoi
Genda diada de lugori
In su lettu de Maria

Dromi fillu e coru
A ripposu ninnia.

Angelu miu agodradori

Sesi mandau de S’ arredentori
Po’ agodrai s’ anima mia
Chi mi fazza cumpangia
Un ‘ avera attenzioi
Liberamindi de sa tentazioi
E de s’ aramigu infernali,
liberamindì de dognia mali
a cust’ anima dolenti.

Chi mi tenganta presenti
Is portas de su celu
Santu Cunzraga Luisu
Santu Bissenti guerrieru
Santu Efisio guerrieru
Si tenganta (a) su fiancu  

No fazzausu a mancu
De custa preghiera
Santa Rosa e Santa Vera
E Maria Maddalena.

Preghiera della sera

Deu mi croccu po’ mi dromì
Tres cosasa tengu a domandaisì  

Prima sa cunfessioni
E poi sa Cumunioi
Insandusu s’ Ollu Santu
In nomini de su Babu,
de su Fillu
e de su Spiritu Santu

Sa preghiera

Deu mi croccu in custu lettu
Cun d'un Angelu segretu
Cun d'un Angelu arriendu
Gesu Cristu est predichendu

Cun sa luna e cun su soli
Biau Sarbadoi
Bia Serafinu
Mamma de Bonu Camminu

Camminu derettu
Allabeus e arringrazieus
Su Santissimu Sacramentu.

Preghiera prima de si croccai

Su lettu miu est de quattru cantus
E doi croccada quattru santus
Quattru santus de su celu
Giuanni Luca Impera Matteu

In nomini de su Babbu
De su Fillu
E de su Spiritu Santu.