|
Ascolto |
|
Fueddu creadori
1. Fueddu Creadori
e luxi de salvesa,
Gesus libberadori
iscurta a chi t’invocat.
2. Su pòpulu in esíliu
ispetat a èssi líbberu,
iscrau de su pecau,
est bintu de sa morti.
3. In terra nosta benis
ses fradi in mesu a fradis,
annúntziu de profetas,
ispera de oprimius.
4. Ses vida pro chi morit,
caminu a chi est circhendi,
ses libbertadi e paxi,
ses soli de giustítzia.
5. Sa Crésia de is redentus
ispetat a candu torras,
s’umanidadi in terra
a innui ses tui est mirendi.
6. Siat glória a Deus su Babbu
siat glória a Deus su Fillu
siat glória a s’Ispíridu
impari in is sèculus.
Amen. |
1. Paraula Creadora
e lughe de salvesa,
Gesùs libberadore,
isculta a chie t’invocat.
2. Su pópulu in esíliu
aisetat a esser líbberu,
isclavu ’e su pecadu,
est bintu dae sa morte.
3. In terra nostra benis,
ses frade in mesu a frades,
annúntziu de profetas,
ispera de oprimidos.
4. Ses vida pro chie morit,
caminu a chie chircat,
ses libbertade e paghe,
ses sole de giustítzia.
5. Sa Crésia ‘e sos redentos
aisetat chi tue torres,
s’umanidade in terra
a ue ses tue est mirendhe.
6. Siat glória a Deus su Babbu,
siat glória a Deus su Fizu
siat glória a s’Ispíridu
umpare in sos séculos.
Amen. |
|
|
▲ |
|
Ascolto |
|
Ritornello per la preghiera dei fedeli
Suspirat a tui, Segnori,
Suspirat a tui, Segnori, s'anima mia. |
|
▲ |
|
Ascolto |
|
Tantum ergo sacramentum
(trad. Mons. Pilo 1786)
Custu grandu Sacramentu
venereus umiliaus,
e coment’e nui a su bentu
cedant is ritus passaus :
e su chi ogu non bidit
accetteus cum firma fidi.
A Deus Babbu onnipotenti
e a su Fillu Redentori,
cun su coru e cun sa menti
alabeus cun grandu onori;
e siat puru onori uguali
a s’Amori eternali. Amen. |
Custu grandhe sacramentu
veneremus umilados
e coment’e nue a su ‘entu
tzedant sos ritos passados:
e su chi ogru no bidet
atzetemus cun firma fide.
A Deus Babbu onnipotente
e a su Fizu Redentore,
cun su coro e cun sa mente
laudeus cun grandhe onore;
e siat puru onore uguale
a s’Amore eternale. Amen
|
|
|
▲
|
|
Ascolto |
|
Acclamazione III dopo la
Benedizione eucaristica
Mannu est su mistériu de sa fidi nostra.
Tue nos as redimidu cun sa rughe tua,
e sa resurretzione. nos as redimidu.
Salva nos, Salvadore,
salva nos, Salvadoree 'e su mundhu.
|
|
|
|
Ascolto
Base
musicale
Spartito provvisorio:
pag. 1
pag. 2
pag. 3 |
|
Babbu nostru, ch’istas in sos chelos,
santificadu siat su nomen tuo,
benzat a nois su regnu tuo,
e fata siat sa voluntade tua,
comente in su chelu gai in sa terra.
Su pane de onzi die dona nos oe,
e perdona sos pecados nostros
comente nois perdonamus
a sos inimigos nostros,
e no nos lasses rúere in tentatzione,
ma lìbbera nos dae male.
Lìbbera nos dae male, ti pregamus,
cuntzede paghe in sa vida nostra, +
si nos agiudat s’amore tuo, |
amus a biver semper lìbberos dae su pecadu ~
e seguros dae ‘onzi timoria, *
in s’isettu de s’isperàntzia santa, |
chi torret su Salvadore nostru Gesu Cristu.
R/. A tie su regnu e sa glòria semper, in eternu
|
|
|
|
Ascolto |
|
Benénnidu
(Parole di
Mario Pudhu, Melodia di Graziano Orro)
Benènnidu, Segnore, a domo mia!
Cherzo ch’inoghe che istes sempre Tue
E siat custa totu domo tua!
Bene ènnidu, Segnore, a domo mia!
Ti ses dignadu Tue, Eternu Amore:
As tentu dolu de su pecadore,
As tentu dolu de su male meu!
No tenzo incensu e mirra e no tenz’oro,
Ma intra, beni e lèadi su coro,
Chi siat regnu tou su coro meu:
De Amore prenas Tue s’ànima mia!
Bene ènnidu, Segnore, a domo mia!
Dònami un’ischentidha ’e lughe tua
Chi andhe ifatu tou in su caminu
E tenza sempre a Tie in cumpanzia!
Bene ènnidu, Segnore, a domo mia!
De fortza tua carchi pimpirida
Ti pedo de azudu ch’in sa vida
Cun tegus andhe cun sa rughe mia!
Benènnidu, Segnore, a domo mia!
Cherzo ch’inoghe che istes sempre Tue
E siat custa totu domo tua! |
|
▲ |
| Ascolto
Spartito
provvisorio |
|
Benénnidu
(Parole di
Mario Pudhu, Melodia di Piereo Marras)
Benènnidu, Segnore, a domo mia!
Cherzo ch’inoghe che istes sempre Tue
E tenza sempre a Tie in cumpanzia!
Benènnidu, Segnore, a domo mia!
Ti ses dignadu Tue, Eternu Amore:
As tentu dolu de su pecadore,
Tue de sa vida nostra lughe e ghia,
Benènnidu, Segnore, a domo mia!
Benènnidu, Segnore, a domo mia!
Dònami un’ischentidha ’e lughe tua
in tempos de assulenu e de traschia.
Benènnidu, Segnore, a domo mia!
As tentu dolu de su male meu!
No tenzo incensu e mirra e no tenz’oro,
Ma intra, beni e lèadi su coro,
chi durche m’at a esser su recreu.
De fortza tua carchi pimpirida
ti pedo de azudu in custa vida,
Pro chi cun tegus andhe e sempre sia!
Benènnidu, Segnore, a domo mia.
|
|
|
|
Ascolto |
|
Ammanitzade
(Parole di M. Pudhu, Melodia di Piero Marras)
Boxi
Si sos frores chi chircades
sunt de amore!
Totus: Si sos frores chi chircades
sunt de amore!
Boxi: Su caminu ammanitzade
de su coro e de sa mente
Ca est colendhe su Segnore!
Si sos frores chi chircades
sunt de amore!
Totus: Si sos frores chi chircades
sunt de amore!
Boxi: Su caminu adderetade
de
su coro e de sa mente
Ca
est colendhe su Segnore!
Si sos frores chi chircades
sunt de amore!
Totus: Si sos frores chi chircades
sunt de amore!
Boxi: Su caminu imparisade
de su
coro e de sa mente
Ca est
colendhe su Segnore!
Si sos frores chi chircades
sunt de
amore!
Totus: Si sos frores chi chircades
sunt de amore!
Boxi: In sa zanna est isetendhe:
abberídeli a intrare,
Abberide,
est su Segnore!
Bi est sa
lughe e bi est sa paghe,
Su
giardinu est de sa Vida,
Si bi
abbitat su Segnore,
S’Emmanuele
in su giardinu,
Cuntentesa infinida
In su
coro e in sa mente!
|
|
|
|
Ascolto |
|
Preghiera
dei fedeli
Faghe, o Segnore!
"Sos mios no sunt
sos pessamentos tuos"
- Sa Veridade! –
narat su Segnore.
E ischit cantu
est bonu su dolore
e marigosu malu
su chi naro amore…
Faghe, o Segnore,
chi sa mente mia
sempre prus pesset
a manera tua!
"Sos mios no sunt
sos sentimentos tuos"
- Sa Veridade! –
narat su Segnore.
E in su coro sou
est fizu e frade
comente a mie
su nemigu meu.
Faghe, o Segnore,
chi su coro meu
istimet sempre prus
comente a Tie!
"Sos mios no sunt
sos terighinos tuos"
– Sa Veridade! –
narat su Segnore.
Istradas in falada
Largas e isfaltadas
Parent prus bellas
Ma no leant a inie!
Faghe, o Segnore,
chi su pede meu
caminet sempre prus
abbia a Tie!
"Sos mios no sunt
sos afainos tuos"
- Sa Veridade! –
narat su Segnore.
Su Gòlgota est
in artu e cumprit
su miràculu de amore
de su fizu ’e Deu.
Faghe, o Segnore,
chi sas manos mias
sempre prus serbant
cun s’òpera tua!
|
|
|